Another story from this gentleman.
Its in old Indonesian (van ophuijzen spelling) hope you can read it without becoming poesink.
cheers.
A pastor friend gave his comments :
Matius 16:26 : "Apa gunanya seorang memperoleh seluruh dunia tetapi kehilangan nyawanya? Dan apakah yang dapat di berikannya sebagai ganti nyawanya?"
Toean Oei Tiong Ham ada poetra jang ke doea dari toean Oei Tjie Sien di Semarang, jang mempoenjai 3 anak lelaki (Oei Tiong Tjan meninggal di oesia jang sanget moeda, Oei Tiong Ham dan Oei Tiong Bing, djoega disini dikenal dengen seboetan Majoor Djoe Gwan).
Oei Tiong Ham lahir pada 13 Tjap-Gwee, taon Phia-in, di djaman kaizer Tong Tie memrentah taon ke V. Djam doea siang. Bie-sie atawa masehi'nja 19 November 1866. (*taon 1866, sama dengen lahir'nja Dr Sun Yat Sen)
Tatkala ia masih orok, papa'nja kasih liat „Peh-Dji'nja” pada satoe sinshe khoa-mia (peramal Tionghoa), dan di njataken peh-dji itoe bagoes sekali!, anak itoe aken mendjadi seorang jang tadjem otak'nja, bakal dapet kedoedoekan jang moelia dan aken mendjadi seorang hartawan besar!
Ini ada'nja itoe peh-dji:
Tiap orang jang mengerti itoengan peh-dji, nistjaja aken bisa kasih keterangan jang sanget loeas sekali arti'nja ini 8 hoeroef Tionghoa, jang bisa dibajangken penghidoepan'nja orok Oei Tiong Ham.
Dengen singkat saja maoe bilang, itoe hari kelahiran'nja Majoor Oei Tiong Ham ada satoe antara 4 hari jang paling bagoes jang dinamaken Khwee Sing (bintang terdepan atawa bintang nomer satoe) ditoendjang dengen boelan, teroetama taon jang baek, maka djadi „Hap” dan orang itoe bisa djadi satoe organisator besar, ini matjem peh-dji dalem bahasa Tionghoa Thouw Sing Hwee atawa Tanah hidoepken Api, maka boleh di bilang leoar biasa poenja baek.
Dari ilmoe angka toean T.P. Kwee (astrolog) dan boekoe Tjap Djie Shio toean Pang Hwa Djoen, ada njataken bahwa peh-dji itoe Majoor Tionghoa ada loear biasa dan soelit di ketemoeken tandingan'nja.
Tempo toean Oei Tiong Ham masih kanak², diharian Gouw-gwee Tjee-gouw, sobat'nja ia adjak nonton wajang Po-tee-hie di Klenteng Tay Kak Sie, gang Lomobok, seorang dari sobat'nja telah bikin djatoh terbalik beberapa angkring (tempat dasaran dagangan), kerna tida sabar ingin boeroe² liat dari deket perang'nja Loo Thong pada Thie Loei Pat Poo panglima Pak-hwan dimana itoe hari sang dalang sedeng maenken tjerita Loo Thong Tjeng Souw Pak. Lantas pedagang² ketjil jang kena langgar tadi minta ganti keroegian.
Anak itoe djadi ketakoetan.
Oei Tiong Ham bilang pada itoe pedagang² bahwa ia nanti jang aken ganti, dan djangan paksa sobat'nja membajar. Laloe ia bawa pedagang terseboet menghadep toean Oei Tjie Sien, papa'nja Oei Tiong Ham seraja toetoerken apa jang soedah kedjadian, dan itoe tjalon Twan-majoor minta papa'nja soeka ganti itoe keroegian.
Papa'nja ada bertanja: „Kenapa kita jang moesti ganti, boekankah itoe anak jang bikin salah?”
Oei Tiong Ham djawab: „Kerna owee jang adjak menonton wajang, maka owee-lah jang aken pikoel itoe risico, dimana toch owee ada lebih mampoe dari sobat owee”
Sambil mesem Oei Tjie Sian, merasa poewas aken djawaban sang anak, lantaran kasih itoe oewang boeat ganti keroegian sang pedagan ketjil.
Kenapa sang ajah maoe ganti itoe keroegian, ini ada kaitan'nja dengen tjerita jang pernah ia tjeritaken pada anak'nja Tiong Ham, tjerita ada begini:
Di Djaman Song ada satoe anak bernama Soe-ma Kong; satoe hari ia adjak beberapa temen'nja memaen di kebon'nja, laloe naek keatas, entah sesoeatoe hal satoe anak kepeleset dan djatoh kedalem „djambangan” (sematjem goetji besar) dari poslen jang terisi aer penoeh. Anak² laen semoea lari, tjoema Soe-ma Kong, ia langsoeng sambit itoe djambangan dengen batoe besar hingga petjah itoe djambangan, akibat'nja aer aken toempah dan selamatlah itoe botjah poenja djiwa, kaga perdoeli seberapa bagoes dan mahal'nja itoe djambangan. Ini ada satoe perboeatan baek kata Oei Tjie Sian sembari achiri dongeangan'nja
1904, Majoor Oei Tiong Ham djadi orang Tionghoa pertama di Semarang jang potong thaotjang dan berpakean djas model Barat. Dengen hal ini ia moesti kirim rekest pada Goebernemen Djendral via ia poenja advocaat Mr Baron van Heeckeren dan dioemoeken pada dagblad Bintang Hindia jang terbit di Holland, djadi pada Bintang Betawi, Pembrita Betawi, Warna Warta dan Pewarta Soerabaia.
Dalem taon 1905 sang Majoor Oei Tiong Ham sering koendjoengi satoe sobat'nja di gang Waroeng, dideket itoe roemah ada seorang ‘mpe poenja kebiasaan doeodek di emperan dari ia poenja roemah. Saban majoor Oei Tiong Ham lintas naek kreta didepan roemah terseboet, itoe officier Tionghoa angkat topi dan tegor kita poenja ‘mpe, dan ini kedjadian boekan'nja sekali, ada beroelang-oelang. Ini hal roepa'nja bikin sang ‘mpe maloe ati, sampe² ia tida sempet berdiri, kerna keboeroe ditanja „Lagi apa ‘njek??”
Tempo ia ketemoein tetangga'nja ini oude heer ada kata:
„Wah…… tjialat goea………!”
„Tjialat pije?” tanja itoe tetangga
„Saban² twa-Majoo tjhaylik (angkat topi) sama goea………”
„Lo, itoe kan baek, tanda'nja majoo taro hormat sama loe, mosok loe malah bilang tjialat………”
„Ia, tapi loe kan taoe, goea siapa, dia siapa. Moesti'nja toch goea jang tjhaylik lebih doeloe boekan'nja dia. Tapi saban² goea kedoeloean adja, wah……, rasa'nja goe betoel² sioe-bee-khie……”
Di dalem taon 1915 kaoem pergerakan Tionghoa di semarang jang perhatiken kepentingan'nja onderwijs Tionghoa, antara'nja toean² Siek Djwee Kioe, Oei Ik Tjoe, Kwik Djoen Eng, Liem Bwan Tjioe, The Tjoen Hway dan laen-laen telah bikin persidangan di gedong Sian Hwee di Gang Tengah, oentoek diriken Tiong Hak (sekolah menengah) dimana anak² Tiong Hoa Hwee Koan bisa landjoetken di itoe sekolah jang ingin didiriken, jang nanti'nja bisa landjoetken ke sekolah tinggi di Shanghai. Maka berdiri dan dinamaken Hoa Ing Tiong Hak di Bodjong Semarang. Dan mereka sepakat oentoek koendjoengi majoor Oei Tiong Ham jang toetoerken mereka poenja maoe, sekalian minta sokongan goena Hoa Ing Tiong Hak.
Majoor Oei Tiong Ham ada bilang begini:
„Boe-yong (perkata’an di djaman laloe jang biasa digoenaken officier Tionghoa boeat seboet diri'nja sendiri sewaktoe bitjara dengen tetamoe²nja jang terhormat, dimana boe-yong berarti: orang jang tida terpake) girang sekali mendapet ini kabar baek, dengen begitoe Tiong Hoa Hwee Koan djadi mempoenjai roemah sekolah samboengan. Lebih banjak sekolah boeat anak² kita ada lebih bagoes boeat kita poenja siahwee……”
Kamoedian sang twa-majoo disodorken list jang itoe tempo tertjatet nama² penderma dari toean²:
Oei Ik Tjoe (f 15.000)
The Pik Hong (f 15.000)
Gan Kang Sioe (f 15.000)
Siek Djwee Kioe (f 6.000)
The Tjoen Hway (f 3.000)
Liem Bwan Tjioe (f 1.000)
Sewaktoe Oei Tiong Ham soedah toelis sedjoemlah f 20.000, toean Siek Djwan Kioe bilang: „Bwan Sing harep Majoor soeka kasih sokongan lebih………”
Oei Tiong Ham tersenjoem, kamoedian robah angka 2 itoe djadi 3.
Baek djoega kaloe disini saja tambahken, tiap² permintaan derma jang dimadjoeken oleh sesoeatoe badan perkoempoelan Tionghoa pada itoe fabrikan boeat berdiriken roemah sekolah, belon pernah sekali ditolak.
Dan saja liat Oei Tiong Ham selaloe tertjatet dalem penderma paling besar diantara taon 1904-1908 dimana saat itoe moesim'nja berdiri roemah sekolah dari T.H.H.K.
Sebage orang jang bat-dji twa-majoo ada taroh kepertjajaan besar pada pengaroeh'nja nama², dimana nama jang baek ada pengaroeh jang baek poela. Itoe sebab'nja diantara fabriek² goela jang ia miliki, adalah fabriek goela „Redjo agoeng” (Kamachmoeran besar) dapet perhatian besar dari'nja, djoega nama „Kian Gwan” merk peroesahaan papa'nja, masih ia pertahanken jang poenja arti „Pokok'nja Tegoeh”.
Pada tanggal 2 Gouw-Gwee 2475 atawa 3 juni 1924 sang majoor Oei Tiong Ham wafat di Singapore dalem oesia 58 taon. Djinasah'nja laloe dibawa ke Java dengen kapal api „Gian Sing” sampe pelaboehan Semarang. Pada tanggal 6 Juli djam 7 pagi, dimana sanak familie Oei dan ratoesan tetamoe jang maoe sangtjong soedah menanti lama. Dari kapal ditoeroenken diatas perahoe jang berbentoek „Liong” kamoedian di bawa kedarat.
Disini Djenasah dikasih naek diatas satoe vrachtauto jang dirias dengen soetra bagoes sekali.
Pada itoe tempo di Semarang belon ada lijkauto, orang masih goenaken kreta oentoek angkoet peti mati. Adalah djinasah'nja Majoor Oei Tiong Ham jang pertama kali diangkat dengen kendaraan bermotor di kota Semarang.
Diantara orang² jang anter koeboer ada terdapet Consul-Generaal Tiongkok di Batavia, Mr Auw Yang Kee.
Poeloean pasang lian dan tiok ada dikirim sobat² dari almarhoem satoe diantara'nja dari President Republiek Tiongkok Tsao Kun, djoega tida loepa ia poenja poetri jang kawin dengen Dr Wellington Koo toeroet anter ia poenja papa.
Oepatjara pengoeboeran itoe berbeda dari kebanjakan hartawan Tionghoa di Midden-Java, jang biasa'nja di rameken dengen muziek, gamelan dan pat-im. Adalah ini dilakoeken dengen serba soenji………… dan soenji sekali, dengen tida satoe poen perangkat tetaboehan.
Ini ada kemaoean dari almarhoem maka semoea pegawe dari majoor dermawan ini berpakean serba poetih, topi dan sepatoepoen ada poetih.
Djinasah dimakamken di koeboeran familie Oei di Simongan.
(* setelah Indonesia merdeka makam'nja diangkoet, dan sekarang aboe'nja ada di Singapore dan nama'nja diabadiken sebage satoe djalan di ini negara. Sajang satoe tanda mata berharga soedah djadi milik negara tetangga kita)
Its in old Indonesian (van ophuijzen spelling) hope you can read it without becoming poesink.
cheers.
A pastor friend gave his comments :
Matius 16:26 : "Apa gunanya seorang memperoleh seluruh dunia tetapi kehilangan nyawanya? Dan apakah yang dapat di berikannya sebagai ganti nyawanya?"
Toean Oei Tiong Ham ada poetra jang ke doea dari toean Oei Tjie Sien di Semarang, jang mempoenjai 3 anak lelaki (Oei Tiong Tjan meninggal di oesia jang sanget moeda, Oei Tiong Ham dan Oei Tiong Bing, djoega disini dikenal dengen seboetan Majoor Djoe Gwan).
Oei Tiong Ham lahir pada 13 Tjap-Gwee, taon Phia-in, di djaman kaizer Tong Tie memrentah taon ke V. Djam doea siang. Bie-sie atawa masehi'nja 19 November 1866. (*taon 1866, sama dengen lahir'nja Dr Sun Yat Sen)
Tatkala ia masih orok, papa'nja kasih liat „Peh-Dji'nja” pada satoe sinshe khoa-mia (peramal Tionghoa), dan di njataken peh-dji itoe bagoes sekali!, anak itoe aken mendjadi seorang jang tadjem otak'nja, bakal dapet kedoedoekan jang moelia dan aken mendjadi seorang hartawan besar!
Ini ada'nja itoe peh-dji:
Tiap orang jang mengerti itoengan peh-dji, nistjaja aken bisa kasih keterangan jang sanget loeas sekali arti'nja ini 8 hoeroef Tionghoa, jang bisa dibajangken penghidoepan'nja orok Oei Tiong Ham.
Dengen singkat saja maoe bilang, itoe hari kelahiran'nja Majoor Oei Tiong Ham ada satoe antara 4 hari jang paling bagoes jang dinamaken Khwee Sing (bintang terdepan atawa bintang nomer satoe) ditoendjang dengen boelan, teroetama taon jang baek, maka djadi „Hap” dan orang itoe bisa djadi satoe organisator besar, ini matjem peh-dji dalem bahasa Tionghoa Thouw Sing Hwee atawa Tanah hidoepken Api, maka boleh di bilang leoar biasa poenja baek.
Dari ilmoe angka toean T.P. Kwee (astrolog) dan boekoe Tjap Djie Shio toean Pang Hwa Djoen, ada njataken bahwa peh-dji itoe Majoor Tionghoa ada loear biasa dan soelit di ketemoeken tandingan'nja.
Tempo toean Oei Tiong Ham masih kanak², diharian Gouw-gwee Tjee-gouw, sobat'nja ia adjak nonton wajang Po-tee-hie di Klenteng Tay Kak Sie, gang Lomobok, seorang dari sobat'nja telah bikin djatoh terbalik beberapa angkring (tempat dasaran dagangan), kerna tida sabar ingin boeroe² liat dari deket perang'nja Loo Thong pada Thie Loei Pat Poo panglima Pak-hwan dimana itoe hari sang dalang sedeng maenken tjerita Loo Thong Tjeng Souw Pak. Lantas pedagang² ketjil jang kena langgar tadi minta ganti keroegian.
Anak itoe djadi ketakoetan.
Oei Tiong Ham bilang pada itoe pedagang² bahwa ia nanti jang aken ganti, dan djangan paksa sobat'nja membajar. Laloe ia bawa pedagang terseboet menghadep toean Oei Tjie Sien, papa'nja Oei Tiong Ham seraja toetoerken apa jang soedah kedjadian, dan itoe tjalon Twan-majoor minta papa'nja soeka ganti itoe keroegian.
Papa'nja ada bertanja: „Kenapa kita jang moesti ganti, boekankah itoe anak jang bikin salah?”
Oei Tiong Ham djawab: „Kerna owee jang adjak menonton wajang, maka owee-lah jang aken pikoel itoe risico, dimana toch owee ada lebih mampoe dari sobat owee”
Sambil mesem Oei Tjie Sian, merasa poewas aken djawaban sang anak, lantaran kasih itoe oewang boeat ganti keroegian sang pedagan ketjil.
Kenapa sang ajah maoe ganti itoe keroegian, ini ada kaitan'nja dengen tjerita jang pernah ia tjeritaken pada anak'nja Tiong Ham, tjerita ada begini:
Di Djaman Song ada satoe anak bernama Soe-ma Kong; satoe hari ia adjak beberapa temen'nja memaen di kebon'nja, laloe naek keatas, entah sesoeatoe hal satoe anak kepeleset dan djatoh kedalem „djambangan” (sematjem goetji besar) dari poslen jang terisi aer penoeh. Anak² laen semoea lari, tjoema Soe-ma Kong, ia langsoeng sambit itoe djambangan dengen batoe besar hingga petjah itoe djambangan, akibat'nja aer aken toempah dan selamatlah itoe botjah poenja djiwa, kaga perdoeli seberapa bagoes dan mahal'nja itoe djambangan. Ini ada satoe perboeatan baek kata Oei Tjie Sian sembari achiri dongeangan'nja
1904, Majoor Oei Tiong Ham djadi orang Tionghoa pertama di Semarang jang potong thaotjang dan berpakean djas model Barat. Dengen hal ini ia moesti kirim rekest pada Goebernemen Djendral via ia poenja advocaat Mr Baron van Heeckeren dan dioemoeken pada dagblad Bintang Hindia jang terbit di Holland, djadi pada Bintang Betawi, Pembrita Betawi, Warna Warta dan Pewarta Soerabaia.
Dalem taon 1905 sang Majoor Oei Tiong Ham sering koendjoengi satoe sobat'nja di gang Waroeng, dideket itoe roemah ada seorang ‘mpe poenja kebiasaan doeodek di emperan dari ia poenja roemah. Saban majoor Oei Tiong Ham lintas naek kreta didepan roemah terseboet, itoe officier Tionghoa angkat topi dan tegor kita poenja ‘mpe, dan ini kedjadian boekan'nja sekali, ada beroelang-oelang. Ini hal roepa'nja bikin sang ‘mpe maloe ati, sampe² ia tida sempet berdiri, kerna keboeroe ditanja „Lagi apa ‘njek??”
Tempo ia ketemoein tetangga'nja ini oude heer ada kata:
„Wah…… tjialat goea………!”
„Tjialat pije?” tanja itoe tetangga
„Saban² twa-Majoo tjhaylik (angkat topi) sama goea………”
„Lo, itoe kan baek, tanda'nja majoo taro hormat sama loe, mosok loe malah bilang tjialat………”
„Ia, tapi loe kan taoe, goea siapa, dia siapa. Moesti'nja toch goea jang tjhaylik lebih doeloe boekan'nja dia. Tapi saban² goea kedoeloean adja, wah……, rasa'nja goe betoel² sioe-bee-khie……”
Di dalem taon 1915 kaoem pergerakan Tionghoa di semarang jang perhatiken kepentingan'nja onderwijs Tionghoa, antara'nja toean² Siek Djwee Kioe, Oei Ik Tjoe, Kwik Djoen Eng, Liem Bwan Tjioe, The Tjoen Hway dan laen-laen telah bikin persidangan di gedong Sian Hwee di Gang Tengah, oentoek diriken Tiong Hak (sekolah menengah) dimana anak² Tiong Hoa Hwee Koan bisa landjoetken di itoe sekolah jang ingin didiriken, jang nanti'nja bisa landjoetken ke sekolah tinggi di Shanghai. Maka berdiri dan dinamaken Hoa Ing Tiong Hak di Bodjong Semarang. Dan mereka sepakat oentoek koendjoengi majoor Oei Tiong Ham jang toetoerken mereka poenja maoe, sekalian minta sokongan goena Hoa Ing Tiong Hak.
Majoor Oei Tiong Ham ada bilang begini:
„Boe-yong (perkata’an di djaman laloe jang biasa digoenaken officier Tionghoa boeat seboet diri'nja sendiri sewaktoe bitjara dengen tetamoe²nja jang terhormat, dimana boe-yong berarti: orang jang tida terpake) girang sekali mendapet ini kabar baek, dengen begitoe Tiong Hoa Hwee Koan djadi mempoenjai roemah sekolah samboengan. Lebih banjak sekolah boeat anak² kita ada lebih bagoes boeat kita poenja siahwee……”
Kamoedian sang twa-majoo disodorken list jang itoe tempo tertjatet nama² penderma dari toean²:
Oei Ik Tjoe (f 15.000)
The Pik Hong (f 15.000)
Gan Kang Sioe (f 15.000)
Siek Djwee Kioe (f 6.000)
The Tjoen Hway (f 3.000)
Liem Bwan Tjioe (f 1.000)
Sewaktoe Oei Tiong Ham soedah toelis sedjoemlah f 20.000, toean Siek Djwan Kioe bilang: „Bwan Sing harep Majoor soeka kasih sokongan lebih………”
Oei Tiong Ham tersenjoem, kamoedian robah angka 2 itoe djadi 3.
Baek djoega kaloe disini saja tambahken, tiap² permintaan derma jang dimadjoeken oleh sesoeatoe badan perkoempoelan Tionghoa pada itoe fabrikan boeat berdiriken roemah sekolah, belon pernah sekali ditolak.
Dan saja liat Oei Tiong Ham selaloe tertjatet dalem penderma paling besar diantara taon 1904-1908 dimana saat itoe moesim'nja berdiri roemah sekolah dari T.H.H.K.
Sebage orang jang bat-dji twa-majoo ada taroh kepertjajaan besar pada pengaroeh'nja nama², dimana nama jang baek ada pengaroeh jang baek poela. Itoe sebab'nja diantara fabriek² goela jang ia miliki, adalah fabriek goela „Redjo agoeng” (Kamachmoeran besar) dapet perhatian besar dari'nja, djoega nama „Kian Gwan” merk peroesahaan papa'nja, masih ia pertahanken jang poenja arti „Pokok'nja Tegoeh”.
Pada tanggal 2 Gouw-Gwee 2475 atawa 3 juni 1924 sang majoor Oei Tiong Ham wafat di Singapore dalem oesia 58 taon. Djinasah'nja laloe dibawa ke Java dengen kapal api „Gian Sing” sampe pelaboehan Semarang. Pada tanggal 6 Juli djam 7 pagi, dimana sanak familie Oei dan ratoesan tetamoe jang maoe sangtjong soedah menanti lama. Dari kapal ditoeroenken diatas perahoe jang berbentoek „Liong” kamoedian di bawa kedarat.
Disini Djenasah dikasih naek diatas satoe vrachtauto jang dirias dengen soetra bagoes sekali.
Pada itoe tempo di Semarang belon ada lijkauto, orang masih goenaken kreta oentoek angkoet peti mati. Adalah djinasah'nja Majoor Oei Tiong Ham jang pertama kali diangkat dengen kendaraan bermotor di kota Semarang.
Diantara orang² jang anter koeboer ada terdapet Consul-Generaal Tiongkok di Batavia, Mr Auw Yang Kee.
Poeloean pasang lian dan tiok ada dikirim sobat² dari almarhoem satoe diantara'nja dari President Republiek Tiongkok Tsao Kun, djoega tida loepa ia poenja poetri jang kawin dengen Dr Wellington Koo toeroet anter ia poenja papa.
Oepatjara pengoeboeran itoe berbeda dari kebanjakan hartawan Tionghoa di Midden-Java, jang biasa'nja di rameken dengen muziek, gamelan dan pat-im. Adalah ini dilakoeken dengen serba soenji………… dan soenji sekali, dengen tida satoe poen perangkat tetaboehan.
Ini ada kemaoean dari almarhoem maka semoea pegawe dari majoor dermawan ini berpakean serba poetih, topi dan sepatoepoen ada poetih.
Djinasah dimakamken di koeboeran familie Oei di Simongan.
(* setelah Indonesia merdeka makam'nja diangkoet, dan sekarang aboe'nja ada di Singapore dan nama'nja diabadiken sebage satoe djalan di ini negara. Sajang satoe tanda mata berharga soedah djadi milik negara tetangga kita)
Posts
0 komentar:
Post a Comment